როგორ აღვზარდოთ მომავალი კლიმი

ეს კითხვა ვასიკო კეჟერაძისთვის რომ დაგვესვა, კარცერ ლუქსს შემოგვთავაზებდა : ) მაგრამ მიუხედავად ჩემი დიდი პატივისცემისა ლიტერატურის მოყვარული კაცის მიმართ, უნდა ვაღიაროთ, რომ კარცერი მხოლოდ მკითხველების ოცნებაა. ფრანგები მომავალი კლიმის აღზრდისას უფრო რეალურ რჩევებს იყენებენ, რომლებსაც მათ დანიელ პენაკი აძლევს (მისი რჩევების უმეტესობა პირადად მაქვს გამოცდილი (ჯერჯერობით ცალმხრივად) და შემიძლია ვთქვა, რომ ამართლებს.). როგორც პოსტის წერის დროს აღმოვაჩინე, რამდენიმე დღის წინ ბატონი პენაკი ქართულადაც “ამეტყველდა”, ასე რომ, იქნებ ჩვენც დაგვეხმაროს “რომანივით საკითხავი” წიგნი : )

ახალგაზრდების უწიგნურობა რომ ბოლო დროს განსაკუთრებით აქტუალური თემა გახდა, ეს არავისთვისაა საიდუმლო. ოჯახებში, სანათესაო-სამეგობრო-სამეზობლოში თუ სოციალურ ქსელებში სერიოზული დისკუსიები იმართება მომავალი თაობის ინტელექტის დონის განსაზღვრისთვის. ძირითადად დასკვნა ყოველთვის ერთნაირია: ახალგაზრდები არ კითხულობენ და ამის მიზეზი ტელევიზორი და კომპიუტერია. პენაკი მათ არ ეთანხმება და, ჩემი აზრით, მართალიცაა.

მომავალი კლიმის აღზრდა, რა თქმა უნდა, ზღაპრების კითხვით იწყება. საინტერესოდ წაკითხული ზღაპარი ისე აღვიძებს მკითხველის მადას, რომ მომავალი კლიმი ვეღარ ითმენს და კითხვას სწავლობს (თუ აღმზრდელები კარგად “მუშაობენ”, მაშინ ეს სკოლაში შესვლამდე ხდება ხოლმე). მშობლებიც “ამოისუნთქავენ” და მშვიდად გადაინაცვლებენ ტელევიზორთან – მომავალი კლიმი უკვე თავად კითხულობს ზღაპრებს და აღარ ართმევს მათ “ძვირფას” 15 წუთს. თან დიდი მონდომებით ფიქრობენ, რამდენი გვერდის წაკითხვის შემდეგ დააჯილდოვონ პატარა მკითხველი ტელევიზორის ყურების უფლებით. შედეგად წიგნის “ავტორიტეტი” ეცემა და კლიმიც სხვადასხვა “მაქინაციებით” ცდილობს წიგნის ფილმებით ჩანაცვლებას. ამასობაში “გამოფხიზლებული” მშობლები უკვე “მაღალ ტონალობაში” ითხოვენ ანგარიშის ჩაბარებას წაკითხული წიგნის შესახებ და აი აქ თავს იჩენს ვერ გაგების შიში.

ოჯახური კონფლიქტების პარალელურად, “ლიტერატურული დრამა” ვითარდება სკოლაშიც. აქ ვერ გაგების ფობიას ემატება ვერ მოსწრების შიში და შედეგად ყველა პროგრამული ნაწარმოები “სისულელედ” იქცევა.

რა უნდა ვქნათ ასეთ დროს? წიგნის თაროები ივსება მტვრით და მომავალი კლიმიც მეტად ეჯაჭვება “პლეერს”. მასწავლებლებიც სულ უფრო ნაკლები ინტერესით კითხულობენ ერთმანეთისგან გადაწერილ თემებს და მშობლებიც “დანანებით” უყვებიან მეგობრებს, რომ კითხვის დრო უბრალოდ არ რჩებათ.

როგორც ჩანს “სამკურნალო” მხოლოდ მომავალი კლიმი არ ყოფილა : ) პირველ რიგში მშობლები უნდა დაფიქრდნენ – რატომ პოულობს კითხვისთვის დროს ქალი, რომელიც მუშაობს, დარბის მაღაზიებში, ზრდის შვილებს, აბამს რომანს ერთდროულად სამ კაცთან, დადის დანტისტთან და ბინას იცვლის? ბოლოს იქნებ იმ დასკვნამდეც მივიდნენ, რომ მთავარი სურვილი ყოფილა და დროის “მოპარვა” ყოველთვის შეიძლება. ის, რომ მომავალმა კლიმმა კითხვა იცის, სულაც არ ნიშნავს, რომ ხანდახან ძველებურად “ერთობლივი კითხვის სეანსების” ჩატარება არ შეიძლება. და სხვათა შორის, ისიც შეიძლება, რომ კლიმი მშობლებივით არ იყოს შეყვარებული სტენდალზე : )

რაც შეეხება სკოლას, სულაც არ არის აუცილებელი მასწავლებელი “ტრადიციული” გაკვეთილების ჩატარებით შემოიფარგლოს. საინტერესოდ მიწოდებული ნაწარმოებები მოსწავლეების თვალში მწერლებს გააცოცხლებს და უცებ კლასში გამოცხადდებიან ზოლა, ბრეხტი და უაილდი. აბა რომელი მოსწავლე გაუძლებს ცდუნებას და შემდეგ გაკვეთილამდე დაელოდება ჟან ბატისტ გრენუის ამბის გაგრძელებას? იგივე მოხდება ოჯახშიც – შვილი მშობლების სამსახურიდან დაბრუნებამდე “ჩაუჯდება” “გამოცხადებული სიკვდილის ქრონიკას” და საბოლოოდ მივიღებთ სასურველ შედეგს – ბოლო ფურცლის გადაშლის შემდეგ კლიმი მარტო არ რჩება. მასთან ერთად არის ექო. ზიუსკინდის ხმა თარგმანის ფილტრის შემდეგაც კი არ ჰგავს მარკესის ხმას – პირველი სიტყვებიდანაც კი ცხადია. და ჩნდება უცნაური გრძნობა – ზიუსკინდი და მარკესი მიმართავენ პირადად კლიმს, პირადად მას უყვებიან ამბავს და ისიც ირჩევს ხმას, რომელიც მეტად მოსწონს.

და ბოლოს პენაკის შემოთავაზებული მკითხველის 10 ხელშეუხებელი უფლება:

1.არ წავიკითხოთ
2.გამოვტოვოთ გვერდები
3.ბოლომდე არ წავიკითხოთ
4.ხელახლა წავიკითხოთ
5.რაც გვინდა ის წავიკითხოთ
6.ბოვარიზმი(ტექსტუალური გზით გადამდები დაავადება)
7. სადაც გვინდა, იქ ვიკითხოთ
8. საიდანაც გვინდა,იქიდან დავიწყოთ კითხვა
9.ხმამაღლა ვიკითხოთ
10.არ ვილაპარაკოთ წაკითხულზე
P.S. მე მგონი, გამიგრძელდა 🙂 დანარჩენს  ბატონი დანიელი მოგიყვებათ, თან საკმაოდ სწრაფად და სახალისოდ 😉

30 Comments (+add yours?)

  1. katerina
    Feb 01, 2012 @ 20:44:59

    ფანტასტიკური უფლებებია, ვისიამოვნე

    Like

    Reply

  2. Chiamaria
    Feb 02, 2012 @ 06:21:44

    ძალიან მომეწონა 🙂
    მართლა ასეა, მე არც კითხვის დაძალების დრო გამომივლია არც დაუძალებლობის. მამაჩემმა სხავანაირად მოახერხა ჩემში “მკითხველის” გაღვივება,. გვიყვებოდა ძალიან საინტერესო ამბებს , მერე გვეუბნებოდა რომ ამაზე უფროკარგად აი “ამ” წიგნში ერია. მერე მივხვდი რომ ბევრი წიგტნია ისეთი სადაც საინტერესო რამეების პოვნა შეიძლება 🙂 და ნელ-ნელა ავეწყვე მერე 🙂
    მე-5-ე და მე-7-ე წესები მიმაქვს 🙂

    Like

    Reply

  3. Kejeradze
    Feb 02, 2012 @ 09:54:37

    მეც მომეწონა მკითხველის უფლებები 🙂 მეცხრეს გარდა ყველა მაქვს წარმატებით გამოყენებული 🙂

    Like

    Reply

  4. მოლი ბლუმი
    Feb 02, 2012 @ 11:05:23

    მკითხველის კონსტიტუცია 🙂 ფანტასტიურია. ყოჩაღ მესიე პენაკს.

    ეს წიგნი მაგნუმშიც ახსენეს ამას წინათ და ვერ მივაღწიე მაღაზიამდე. არადა, საინტერესოა.

    Like

    Reply

  5. mecmikvarkhar
    Feb 02, 2012 @ 14:20:25

    გაიხარე ამ წიგნზე რომ დაწერე 🙂
    მე ვახსენე მოლ მაგნუმში, პრეზენტაციაზე მინდოდა წასვლა მაგრამ ვერ წავედი. დღეს ვიკითხე და “დიოგენე”ს ფბზე მითხრეს თებერვლის ბოლომდე აქცია გვაქვს 7 ლარი ეღირებაო :)) უნდა ვიყიდო აუცილებლად 🙂

    Like

    Reply

  6. Kejeradze
    Feb 02, 2012 @ 16:59:54

    ნამდვილად ღირს წაკითხვა 🙂

    Like

    Reply

  7. tsotnee
    Feb 02, 2012 @ 17:43:43

    საონტერესოა, უფლებები მთლად გადასარევი. 🙂

    Like

    Reply

    • Kejeradze
      Feb 03, 2012 @ 12:38:50

      …და, რაც მთავარია, “ურეალურესი” 🙂

      Like

      Reply

      • tsotnee
        Feb 03, 2012 @ 13:10:18

        ხო ნამდვილად. აი ხანდახან მე-9 უფლებასაც ვიყენებ ხოლმე. მომწონს როდესაც განსაკუთრებულ რამეს რამდენიმენაირად აღვიქვამ – თვალით, სმენით და გონებით. 🙂 🙂 🙂

        Like

        Reply

      • Kejeradze
        Feb 03, 2012 @ 17:07:05

        ჯერჯერობით მე-9 უფლების გამოუყენებლობის უფლებით ვსარგებლობ 😀

        Like

        Reply

  8. ვივიენ
    Feb 03, 2012 @ 12:13:24

    მიყვარს მგზავრობისას კითხვა, მაგრამ ვინ დაგაცდის ნინო ჩხეიძეს ხომ უნდა მოუსმინონ მარშუქტკის მძღოლებმა? 🙂 კარგი პოსტია ნამდვილად 🙂 მშობლები ყველაზე მეტს აშავებენ თავისი ’’მოუცლელობით’’.

    Like

    Reply

    • Kejeradze
      Feb 03, 2012 @ 12:37:44

      ნინო ჩხეიძე მტკივნეული თემაა 😀 კონსპექტების კითხვა მისი ხმის ფონზე “უდიდესი სიამოვნებაა” (მხატვრულ ლიტერატურაზე აღარაფერს ვამბობ) 😀

      Like

      Reply

  9. სანდრო
    Feb 08, 2012 @ 19:07:51

    მოუთმენლად ველოდი თქვენს პოსტს, მაგრამ ახლა მოვახერხე მისი წაკითხვა, ძალიან საინტერესოა უნდა ვნახო ეს წიგნი დამაინტერესეთ 🙂

    Like

    Reply

    • Kejeradze
      Feb 08, 2012 @ 19:50:52

      დიდი მადლობა 🙂
      …”თქვენ” ანუ მე? 🙂 ჯერ ახალგაზრდა ვარ ასეთი ოფიციალურობისთვის 😉

      Like

      Reply

  10. სანდრო
    Feb 09, 2012 @ 18:06:30

    გავითვალისწინებ 🙂

    Like

    Reply

  11. »♥» ana «♥«
    Feb 12, 2012 @ 17:24:16

    ვახ,ვახ.. 🙂 მშვენიერი რჩევებიი,ნეტავ მშობლებს ასე რომ აღვეზარდე,როგორი ვიქნებოდი? 🙂

    Like

    Reply

  12. ❥ Natsy
    Feb 13, 2012 @ 13:33:30

    კარგია, ერთი შეხედვით (წიგნი) სად შეიძლება ვიშოვო?

    Like

    Reply

  13. mecmikvarkhar
    Feb 16, 2012 @ 14:35:33

    დღეს ვიყიდე 🙂 თან თებერვლის ბოლომდე დიოგენეში 7 ლარადაა 🙂

    Like

    Reply

    • Kejeradze
      Feb 16, 2012 @ 19:00:18

      ჩემი აზრით, საუკეთესო ფასია ამ მოცულობის წიგნისთვის. ყოჩაღ, დიოგენე 🙂

      Like

      Reply

  14. kevana
    Feb 18, 2012 @ 08:12:28

    ჰაჰააჰ, რა მაგარია :დ აი მესმის

    Like

    Reply

  15. 4everyoungsoul
    Aug 25, 2012 @ 22:51:23

    პენაკის სიტყვებს გავიმეორებ: “უწინგნურობა, ალბათ, ასეთი სადარდებელი არ იქნებოდა, ჩვენ რომ ისეთ თაობას, ეპოქას, წრეს ან ოჯახს ვეკუთნოდეთ, სადაც კითხვას უშლიდნენ.” აკრძალული ხილი,მართლაც რომ, ყველაზე გემრიელია ეს ჩვენი წინაპრებიდან ვიცით 🙂 🙂 )

    Like

    Reply

  16. Trackback: ლიტერატურული 2012 « კეჟერაძის ბლოგი
  17. petriashvili
    Jan 20, 2013 @ 20:07:45

    მართლაც რომ შესანიშნავი წიგნია.

    Like

    Reply

  18. Trackback: სკოლის სევდა | კეჟერაძის ბლოგი

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: