ზაფხულის პირველი მოგზაურობები

ორჰან ფამუქის “ჯევდეთ ბეი და მისი ვაჟიშვილები” – ოჯახური საგები არასდროს მხიბლავდა (უამრავი სახელის დამახსოვრება არცთუ სასიამოვნო იყო : )), თუმცა ფორსაიტებიც გავიცანი, ბუდენბროკებიც, ბუენდიებიც და ახლა იშიქჩიებიც. ოდნავ “ნელი”  რომანი აღმოჩნდა, მაგრამ ორჰან ბეიმ ჩვეულ სტილს არ უღალატა – თურქული საზოგადოების განვითარებისა და თურქეთის რესპუბლიკის ჩამოყალიბების რთული გზა გვაჩვენა. ჩვენს თვალწინ აზიური სახელმწიფო ევროპულად გარდაიქმნა და ხალხის ფსიქოლოგიაც ნელ-ნელა შეიცვალა. მიუხედავად იმისა, რომ ჯევდეთ ბეი და მისი ვაჟიშვილები XX საუკუნის 70-იან წლებამდე ცხოვრობდნენ, მათი პრობლემები მოძველებული სულაც არ არის. აღმოსავლურ სამყაროში ჯერ ისევ აქტუალურია ჯევდეთ ბეის ძმის სიტყებიც: “ამ ტრადიციების, აქაური ბინძური, უბადრუკი და უვარგისი ცხოვრების ბრალია ყველაფერი”… ვინ იცის, დღემდე რამდენი თურქი (და არა მხოლოდ) ფიქრობს ასე…

ფრიდრიხ დიურენმატის “ავარია” – მწერალს თუ დავესესხებით, ავარიის ეპოქაში ვცხოვრობთ. ყველაზე დიდი საფრთხე საგზაო შემთხვევებია… ხანდახან ავარია საბედისწეროა – თამაში და რეალობა ერთმანეთში  ირევა – საავტომობილო ინციდენტის მსხვერპლი ჯერ სახალისო თამაშში ბრალდებული ხდება, შემდეგ კი მოსამართლედ იქცევა…

ერიკ-ემანუელ შმიტის “ბატონი იბრაჰიმი და ყურანის ყვავილები” – ერიკ-ემანუელ შმიტთან დიდი ხანია ვმეგობრობ. ამ მწერალმა თავი მოკლე, მაგრამ ემოციური, გულწრფელი ისტორიებით დამამახსოვრა და თავისი საყვარელი თემებიც “გამაცნო” – ბავშვები და რელიგია. არც ეს შემთხვევა იყო გამონაკლისი. პატარა ებრაელი ბიჭი მშობლების გარეშე დარჩა, მაგრამ ბატონი იბრაჰიმის წყალობით გაიზარდა, მიიღო ცხოვრებისეული გამოცდილება, სიყვარულს და მეგობრობას გაუგო გემო, იწამა საკუთარი თავის და კიდევ რაღაცის იქ – ზემოთ… “რასაც გასცემ, ის ყოველთვის შენია, რასაც შენში ინახავ – სამუდამოდ დაკარგული” – და შმიტიც იბრაჰიმთან და მოსესთან ერთად გვინაწილებს სითბოს და ღიმილს…

ჯეინ ოსტინის “დარწმუნება” – კამიუს შემდეგ “დასამშვიდებლად” ვიქტორიანულ ინგლისზე უკეთეს ადგილს ვერ მოვძებნიდი, ამიტომ დროებით გვერდზე გადავდე ფესტივალზე შედგენილი “სამოგზაურო გეგმა” და გზას გავუდექი. “დარწმუნება” (რატომღაც სათაურის ეს თარგმანი არ მომწონს : ) ) ჯეინ ოსტინის უკანასკნელი რომანია. მოგეხსენებათ, მის ჯეინმა შესანიშნავად იცოდა, თუ რას ნიშნავს გონების ხმის მოსმენა და სხვათა აზრის გამო პირად ბედნიერებაზე უარის თქმა (თუ არადა, ეს ფილმი გაგაცნობთ მის პირად ცხოვრებას : ) ). მისი გმირი ენიც ასეთივე მდგომარეობაშია. ერთი შეხედვით, კონკიასაც ჰგავს და ავტორიც ჩვეული სიმსუბუქით გვიყვება სიყვარულის ისტორიას, მაგრამ “Persuasion” დროის გასაყვან სასიყვარულო რომანზე მეტია, ისევე როგორც “სიამაყე და ცრურწმენა” ან “გრძნობა და მგრძნობელობა” (ოსტინის სხვა რომანებზე ჯერჯერობით ვერაფერს ვიტყვი)…


Advertisements

15 Comments (+add yours?)

  1. მოლი ბლუმი
    Jun 30, 2012 @ 10:43:47

    კლასიკური ზაფხული გქონია 🙂

    ჯევდეთ ბეიზე თამარასაც აქვს ერთი გემრიელი პოსტი დაწერილი.

    Like

    Reply

  2. katerina
    Jun 30, 2012 @ 11:41:16

    რა ვქნა და ფამუქი ვერა და ვერ მოვიწონე. შმიტს წავიკითხავ, მომწონს.კარგი პოსტია, დამაინტრიგებელი 🙂

    Like

    Reply

    • Kejeradze
      Jun 30, 2012 @ 23:39:31

      როგორც “გამოცდილი” ბიბლიოფილი (ანუ დედაჩემი) იტყოდა, ფამუქი, დიასახლისობა და მასწავლებლობა ერთად არ გამოდის 🙂 შმიტი უფრო “შეთავსებადია” 🙂

      Like

      Reply

      • katerina
        Jun 30, 2012 @ 23:54:45

        ნე უფრო გემოვნების მრავალფეროვნებას დავაბრალებდი. ისე არც მასწავლებელი ვარ და არც დიასახლისი 🙂

        Like

        Reply

      • Kejeradze
        Jul 01, 2012 @ 00:03:53

        ვიგულისხმე, რომ ფამუქის “ოდნავ გაწელილი სტილი” გემოვნების ამბავია და ცოტა ძნელია მის რიტმზე “აწყობა”, როცა სხვა უამრავი საქმეცაა ირგვლივ 🙂

        Like

        Reply

  3. rusa111
    Jul 03, 2012 @ 19:57:33

    ეგრეა, მაგრამ მაინც გემრიელად იკითხება.

    Like

    Reply

    • Kejeradze
      Jul 04, 2012 @ 18:33:51

      მთლად “მე მქვია წითელივით” არ “მეგემრიელა”, მაგრამ კარგი იყო 🙂

      Like

      Reply

  4. Zura Abashidze
    Jul 19, 2012 @ 23:37:44

    Ra enaze waikitxe ostini ?

    Like

    Reply

    • Kejeradze
      Jul 19, 2012 @ 23:40:01

      რუსულად, მაგრამ ამას წინათ ინგლისურად ვნახე და ერთი შეხედვით უფრო მომეწონა 🙂

      Like

      Reply

  5. Trackback: “სტამბოლი – მოგონებები და ქალაქი” « კეჟერაძის ბლოგი
  6. Trackback: დეკემბრის მოგზაურობები « კეჟერაძის ბლოგი
  7. Trackback: წელს წაკითხული წიგნებიდან | A Magazine

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: