კერუაკის გზა

ოდესმე გაგჩენიათ სურვილი, რომ ზურგჩანთა აგეღოთ და გზას დასდგომოდით – უმისამართოდ, უბრალოდ გაყოლოდით გზას, რომელიც სადღაც მიგიყვანდათ?  მაშინ აუცილებლად უნდა წაიკითხოთ ბიტ-თაობის მანიფესტი, რომელიც უარყოფს საზოგადოებრივ წესებსა და დოგმებს და თავისუფლებას ყველაზე მაღლა აყენებს. ნამდვილი თავისუფლება ხომ გზის არჩევაა – ცხოვრების არჩევა…

…და ამ გზას ირჩევენ სალ ფარადაიზი (ჯეკ კერუაკი) და დინ მორიარტი (ნილ კესიდი). სწორედ მათთან ერთად მივემართებით თავბრუდამხვევ მოგზაურობაში ამერიკის გარშემო და მექსიკაში, ავტოსტოპით გადავადგილდებით, გიჟური სიჩქარით მივექანებით, ვთვრებით, ვეწევით, მთელს ქვეყანაში გაფანტულ ნაცნობებს “ვესხმით თავს” და… ისევ თავიდან…

ყოველი ახალი მოგზაურობის შემდეგ ვხვდებით, რომ ოდესმე ყველაფერი მთავრდება – ახალგაზრდობაც, სასმელიც, გზაც… ერთ დღეს ცხოვრებაც დამთავრდება, მაგრამ მანამდე ისე უნდა იცხოვრო, როგორც სალი და დინი ცხოვრობდნენ. უბრალოდ უნდა ისუნთქო, იმოძრაო, სიგიჟეები აკეთო… უნდა დატკბე ყოველი წამით, უსასრულო საუბრებით… უნდა იცხოვრო არანორმალურივით, რომელსაც გიჟურად უნდა ცხოვრება, გიჟურად უნდა ლაპარაკი, გიჟურად უნდა გადარჩენა, რომელიც ყოველთვის იწვის, იწვის…

ასეთია კერუაკის გზა – შეშლილის გზა, გზა, რომელსაც ყველა სადღაც როგორღაც მიჰყავს… გზა, სადაც ჯაზის რითმებს ტომ უეიტსისა და ჯენის ჯოპლინის ხმა ცვლის…

P.S. ბოლოს კერუაკის ლექსზე შექმნილ სიმღერასაც მოვუსმინოთ:

42 Comments (+add yours?)

  1. katerina
    Dec 03, 2012 @ 23:41:24

    ეს ისაა, რაზეც მთელი ცხოვრება ვოცნებობ… ისე კარგად აღწერე, კიდევ უფრო გამიმძაფრდა სურვილი. შესაბამისად წიგნის წაკითხვაც მომინდა 🙂

    Like

    Reply

  2. მოლი ბლუმი
    Dec 03, 2012 @ 23:55:23

    სულ მინდა 😦

    Like

    Reply

    • Kejeradze
      Dec 04, 2012 @ 16:30:52

      ეჰ 😦 საკითხავად და “საბოდიალოდ” დრო არასდროს დამენანება, მაგრამ…

      Like

      Reply

  3. mecmikvarkhar
    Dec 04, 2012 @ 16:15:21

    ძალიან მომეწონა მეც, ქართულად უნდა წავიკითხო აუცილებლად 🙂 ფილმი ნახე უკვე?

    Like

    Reply

  4. tami
    Dec 04, 2012 @ 17:52:36

    რა ხანია მინდა ამ წიგნის ყიდვა, როგორც ვატყობ საახალწლო საჩუქარი გამომივა საკუთარი თავისთვის.

    Like

    Reply

  5. rusa111
    Dec 04, 2012 @ 18:59:31

    მე უკვე ვიყიდე და ჯერ მხოლოდ პირველი თავი წავიკითხე; კინოფესტივალმა შემიშალა ხელი… კარგი ჩანს!

    Like

    Reply

  6. Trackback: ზეციური მათხოვრები « კეჟერაძის ბლოგი
  7. »♥» ana «♥«
    Dec 12, 2012 @ 23:12:53

    ვაპირებ წაკითხვას და რაღაც კარგის მოლოდინში ვარ 🙂

    Like

    Reply

    • Kejeradze
      Dec 13, 2012 @ 19:27:01

      ზედმეტი მოლოდინი არ ვარგა ხოლმე, მაგრამ ამ შემთხვევაში სამართლიანი მგონია 🙂

      Like

      Reply

  8. Zura Abashidze
    Dec 17, 2012 @ 21:29:24

    წიგნი შესანიშნავია, მაგრამ, რომ არ ავღნიშნო არ შემიძლია, პოსტიც ზუსტად ისეთია, როგორიც ეკადრება წიგნს. 100 პროცენტით აიძულებს ადამიანს, რომელსაც წარმოდგენა არა აქვს ვინ არის ჯეკი წაიკითხოს ”გზაზე”.

    Like

    Reply

    • Kejeradze
      Dec 17, 2012 @ 23:37:41

      დიდი მადლობა 🙂 მთლად ისეთი ვერ არის, ჯეკს რომ ეკადრება, მაგრამ მიხარია თუ ცოტათი მაინც გამომივიდა “დაინტერესება” 🙂

      Like

      Reply

  9. Trackback: ლიტერატურული 2012 « კეჟერაძის ბლოგი
  10. Trackback: დიოგენეს ბიბლიოთეკა « კეჟერაძის ბლოგი
  11. Eka
    Mar 07, 2013 @ 18:15:23

    ვიყიდე და ერთი სული მაქვს როდის დავიწყებ …

    Like

    Reply

  12. Kerouac
    Mar 08, 2013 @ 21:36:12

    dzalian miyvars sheni blogi )))))))))))))

    Like

    Reply

  13. Kerouac
    Mar 08, 2013 @ 21:38:47

    რამხელა სიამოვნება მელოდება ხო წინ… ”ხელში საბურთავებელი ვარ”(კეჟერაძისეული) )))))))))))

    Like

    Reply

  14. Trackback: დიოგენეს ბიბლიოთეკა | კეჟერაძის ბლოგი
  15. Trackback: ჩე გევარა – მოტოციკლისტის დღიური | კეჟერაძის ბლოგი
  16. mochkhubaridze
    Jul 15, 2013 @ 04:19:46

    წიგნი ცუდად გაქვს გაგებული…

    Like

    Reply

    • Kejeradze
      Jul 15, 2013 @ 12:20:49

      ზოგადად წიგნის გაგება სუბიექტური მგონია და აქ ზუსტად იმისთვის ვართ, რომ ჩვენ-ჩვენი “გაგებები” გავუზიაროთ ერთმანეთს 🙂

      Like

      Reply

  17. mochkhubaridze
    Jul 15, 2013 @ 20:32:28

    მართალი ხარ, სუბიექტურია, მაგრამ ავტორის უშუალო შეხედულების შენეული ინტერპრეტაციით გადმოცემამ, რაც აშკარად შეცდომაა, შეიძლება სხვები შეიყვანს შეცდომაში…

    Like

    Reply

  18. mochkhubaridze
    Jul 15, 2013 @ 20:36:59

    დარწმუნებული ვარ რეალურ ცხოვრებაში წიგნში აღწერილი პერსონაჟების დანახვაზეც ცუდად გახდებოდა ამ პოსტის და თუნდაც წიგნის მაქებარი ადამიანები, რაღაც ალბათობით შენც….

    Like

    Reply

    • Kejeradze
      Jul 15, 2013 @ 21:57:19

      მე პირადად ჯეკი და ნილი “ცუდად გასახდომი” ადამიანები არ მგონია… 🙂 თუმცა ინდივიდუალურია, რა თქმა უნდა… ურთიერთობის სახესაც გააჩნია (რაც თუნდაც მეგობრისთვის მისაღებია, ის ოჯახისთვის შეიძლება მიუღებელი იყოს და ა.შ.)…

      რაც შეეხება ინტერპრეტაციას, მე პირადად არასდროს ვექცევი სხვების გავლენის ქვეშ (ბევრად უფრო კომპეტენტური მკითხველების) და ჩემი სუბიექტური აზრი ხომ მით უმეტეს არ არის უაპელაციო (კრიტიკოსისა და მწერლის შეხედულებებიც კი ძალიან იშვიათად იკვეთება და უბრალო ბლოგერი რა მოსატანია) 🙂 … ისე ბარემ გაგვიმხილე, რა გამოგვრჩა 😉 ეს ერთ-ერთი ყველაზე “საფუძვლიანად განხილული” წიგნია ბლოგოსფეროში და კიდევ ერთი განსხვავებული აზრი საინტერესო იქნებოდა 🙂

      Like

      Reply

  19. mochkhubaridze
    Jul 15, 2013 @ 22:23:26

    ზედაპირულად მსჯელობ, არ გაკრიტიკებ… კარგად ვერ მესმის რისთვის კითხულობს ხალხი წიგნებს, პატივმოყვარეობის, ცნობისმოყვარეობის და გართობის გამო(რასაც აქ ვხედავ…) თუ იმის გამო, რომ რაღაც ისწავლოს…

    რაც შეეხება შენ თხოვნას, რატომღაც არ მაქვს იმის სურვილი რომ ჩემი დამოკიდებულება რაც, არსებითად არ განსხვავდება ავტორისეულიგან, აქ გავაჟღერო და Sick Society შევაშფოთო, მითუმეტეს ცინიკოსი ბლოგერი… არ გეწყინოს…

    Like

    Reply

    • Kejeradze
      Jul 15, 2013 @ 22:32:50

      ბლოგოსფეროს დადებითი მხარეც ეს არის – მიუღებელი აზრების კითხვა არ არის აუცილებელი (იმ შემთხვევაში, თუ ეს აზრი “შემაწუხებელია”, თორემ იდენტური შეხედულებები არ არსებობს)… და აქ უფრო რთულად გვწყინს ხოლმე, ვიდრე რეალურ ცხოვრებაში 🙂

      Like

      Reply

      • mochkhubaridze
        Jul 15, 2013 @ 22:35:19

        გასაგებია… წარმატებულ “ბლოგერობას” გისურვებ…

        Like

        Reply

      • mochkhubaridze
        Jul 15, 2013 @ 22:40:37

        ახლა დავინახე ბლოგსფეროს ბნელი მხარე, განსხვავებულ(შენ შემთხვევაში მიუღებელ) აზრს უბრალოდ დაიკიდებ და ოპტიმიზმით აღსავსე და თვითკმაყოფილი შეუდგები ახალი პოსტის წერა. და შეგიძლია მითხრა რა მუღამს ფოულობ?)))))

        Like

        Reply

        • Kejeradze
          Jul 15, 2013 @ 23:01:58

          თემიდან გადახვევა არ მიყვარს, მაგრამ ერთხელაც დავწერ… მით უფრო, რომ ორი კომენტარი აშკარად “მიწვევს” სადისკუსიოდ 🙂 ამ შემთხვევაში მიუღებელ აზრზე ვერაფერს ვიტყვი – ვიკითხე და პასუხი ვერ მივიღე (იქნებ გამეზიარებინა კიდეც. პატივისცემას კი ყველა აზრი იმსახურებს). მეორე – თვითკმაყოფილი ვერ ვიქნები – ამისთვის მინიმუმ ისე უნდა ვწერდე, როგორც თუნდაც წინამდებარე კომენტარების ავტორების უმრავლესობა. რაც შეეხება ოპტიმიზმს, მის გარეშე ერთ წუთსაც ვერ გავძლებ :)) …და ბოლოს “მუღამი” – მუღამი სწორედ აზრების გაცვლა და ამა თუ იმ წიგნის პოპულარიზაციაა. აბა ჩვენ აქ კერუაკს ან კინგს კი არ ვეჯიბრებით :))

          Like

          Reply

          • mochkhubaridze
            Jul 15, 2013 @ 23:13:33

            და მაინც თვითკმაყოფილება, საკუთარი თავით აღტაცება))))…. მაგარი ხარ მომიგე…

            Like

            Reply

            • Kejeradze
              Jul 15, 2013 @ 23:19:24

              სურვილის შემთხვევაში სამივე ძმა კეჟერაძე მოუგებდა მოჩხუბარიძეს, მაგრამ კონფლიქტურები არ იყვნენ 😀 …ძალიან გადავუხვიეთ. ასე რომ მოვრჩით.

              Like

              Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: