რომენ გარის თეთრი ძაღლი

1968 წელი, ამერიკის შეერთებული შტატები… მემფისში მარტინ ლუთერ კინგი მოკლეს. ამ მოვლენამ ისედაც დაპირისპირებული შავკანიანები და თეთრკანიანები კიდევ უფრო გადაამტერა. ამერიკა არეულობამ, აჯანყებებმა, პროტესტმა და ძალადობამ მოიცვა… ამ ფონზე რომენ გარის ცხოვრებაში ძაღლი გამოჩნდა… ძაღლი, რომელიც შავკანიანებზე დაგეშეს… ძაღლი, რომელსაც ვერაფერი შეაჩერებს, გარდა შიშისა. მწერალმა ძაღლის ხელახლა გაწვრთნა მოინდომა… მაგრამ შესაძლებელია ცნობიერების შეცვლა? ძაღლის მზერა ხომ ნამდვილი ადამიანის მზერაა…

რომენმა, რომელიც ერთდროულად ებრაელიც იყო, ფრანგიც და ამერიკელიც, კარგად იცოდა, რას ნიშნავს უმცირესობაში ყოფნა. უმცირესობა ისეთ დემოკრატიულ ქვეყანაშიც კი არსებობდა, როგორიც აშშ-ა. მიუხედავად იმისა, რომ დღეს მათი პრეზიდენტი აფროამერიკელია, ალბათ იქ ისევ ცხოვრობენ რასისტები და მრავალსაუკუნოვანი ჩაგვრის კომპლექსით შეპყრობილი შავკანიანები… მაგრამ 60-იანი წლების რასობრივ კონფლიქტს ისე ებმის პარიზის საპროტესტო გამოსვლები, რომ ნათელი ხდება მწერლის ჩანაფიქრი – თეთრი ძაღლი მხოლოდ აშშ-ში არ ცხოვრობს – ის თითოეული ჩვენგანის ქვეცნობიერში ბინადრობს და კრიტიკულ მომენტში თავს ესხმის უმცირესობებს. თითქოს განსხვავებული ადამიანების “კბენა” აზრადაც კი არ მოგვდის, დიდი გატაცებით ვკითხულობთ ისეთ წიგნებს, როგორებიცაა: “ბიძია თომას ქოხი”, “ნუ მოკლავ ჯაფარას”, “მოსამსახურე” და შემდეგ მათ რასისტ გმირებს ვკიცხავთ… მაგრამ ვინ იცის, როგორ მოვიქცევით მათ ადგილას… ჩვენი საკუთარი თვალით ხომ უკვე იმდენჯერ ვნახეთ სცენა, თუ როგორ “გლეჯს თეთრი ძაღლი” უმცირესობებს… ალბათ მხოლოდ კითხვა არ კმარა – მეტი ფიქრია საჭირო… ვეძებოთ ჩვენს თავში თეთრი ძაღლი და შევეცადოთ მის ხელახლა გაწვრთნას… ოღონდ ისე არ გამოვიდეს, რომ ამჯერად უმრავლესობას დავესხათ თავს… უბრალოდ წავშალოთ ზღვარი უმცირესობებსა და უმრავლესობებს შორის…

P.S. “დიოგენეს ბიბლიოთეკის”  მორიგი წიგნი ძალიან აქტუალური აღმოჩნდა. შემდგომი დაანონსებული წიგნი კი თანამედროვეობის ერთ-ერთი ყველაზე საინტერესო მწერლის (ჩემი აზრით, რა თქმა უნდა) უმბერტო ეკოს “პრაღის სასაფლაოა”. როგორც გამომცემლებმა შეგვატყობინეს, ეს ნაწარმოები სერიის მიღმაც გამოვა… ასეა თუ ისე, ყდას დიდი მნიშვნელობა არ აქვს – რაც მთავარია, წინ ნამდვილად დაუვიწყარი “მოგზაურობა” გელით 😉

13 Comments (+add yours?)

  1. მოლი ბლუმი
    Jul 19, 2013 @ 21:18:00

    გარი მართლაც ღირსეული და მნიშვნელოვანი ტომია.

    და პრაღის სასაფლაო ორივე ფორმატად მინდა 🙂

    Like

    Reply

    • Kejeradze
      Jul 19, 2013 @ 22:57:18

      წესით “დიოგენეს ბიბლიოთეკის” ფორმატი უფრო დიდი ტირაჟი უნდა იყოს. სქელყდიანი “დასწრებაზე” იქნება 🙂

      Liked by 1 person

      Reply

      • tami
        Jul 20, 2013 @ 23:07:11

        ძალიან ჩამოვრჩი ცხოვრებას და წიგნებს:0 კიდევ კარგი აქ ხარ და მამარაგებ ინფორმაციით. ❤

        Like

        Reply

  2. Trackback: დიოგენეს ბიბლიოთეკა | კეჟერაძის ბლოგი
  3. glamtaia
    Jul 23, 2013 @ 00:59:06

    შენს ბლოგზე ბლოკნოტით და კალმით შეიარაღებული შემოვდივარ და ახალ წიგნებს ვიწერე, მერე შეძლებისდაგვარად ვკითხულობ ❤

    Like

    Reply

    • Kejeradze
      Jul 23, 2013 @ 01:12:46

      სერიოზული კომპლიმენტი იყო 🙂

      Like

      Reply

      • tsotnee
        Jul 26, 2013 @ 21:34:20

        მეც სულ ვიმახსოვრებ ხოლმე და მიხარია ხოლმე იმ წიგნს, რომ ვკითხულობ ხოლმე შენს ბლოგზე, რომ გავიგე პირველად ან თუ პირველად არა მისი შენეული შეფასებით მეც დავინტერესდი და სხვა.

        Like

        Reply

        • Kejeradze
          Jul 27, 2013 @ 13:08:20

          თქვენ რომ გიხარიათ, მეც მიხარია, ბლოგსაც, მწერლებსაც და წიგნებსაც… 😀

          Like

          Reply

  4. vampira
    Jul 31, 2013 @ 15:53:26

    “დიოგენეს ბიბლიოთეკიდან” მხოლოდ კერუაკის, კუტზეესა და მილერის გაცნობა მოვახერხე, თუმცა როგორც ვატყობ შემდეგი არა, როგორც ვგეგმავდი პალანიკი, არამედ გარი იქნება: )

    Like

    Reply

    • Kejeradze
      Jul 31, 2013 @ 21:43:00

      ამ შემთხვევაში გამიჭირდება არჩევანის გაკეთება… ორივე ისეთი “მაგარი” იყო… :))

      Like

      Reply

  5. Trackback: ამის იქით თქვენი ბილეთი არ გამოდგება… | კეჟერაძის ბლოგი
  6. Trackback: რომენ გარის სამყარო | კეჟერაძის ბლოგი

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: