ზაფხული კუნძულ სალტკროკაზე

ასტირ ლინდგრენი რომ გამორჩეულად მიყვარს, ეს უკვე ყველამ იცის 🙂 სახურავის ბინადარი კარლსონისა და პეპი გრძელიწინდას ამბები დღემდე თითქმის ზეპირად მახსოვს და ჩემი პირველი დამოუკიდებლად წაკითხული წიგნის თაროდან გადმოღებას აზრი აღარ აქვს. სამაგიეროდ ფრაუ ასტრიდის სხვა გმირებს მხოლოდ თითოჯერ გავეცანი (მაშინ წიგნები რთულად იშოვებოდა და ძირითადად ნათხოვარი წიგნებით ვკმაყოფილდებოდით). ჰოდა, როგორც კი ქინდლი ვიგდე ხელთ, სასწრაფოდ განვათავსე თაროზე საყვარელი წიგნები (ქართული თარგმანები ძალიან სასიამოვნოდ მახსოვს, მაგრამ მრავალფეროვნებისთვის რუსულიც ნორმალურია) და ნელ-ნელა შევუდექი “დაგემოვნებას”…

საზაფხულო “მოგზაურობისათვის” (განსაკუთრებით რამდენიმე “ცხელი” წიგნის შემდეგ) კუნძულ სალტკროკაზე უკეთეს ადგილს სად ვნახავდი 🙂 ამიტომ სასწრაფოდ “ჩავალაგე ზურგჩანთა”, სტოკჰოლმის სანაპიროზე “სალტკროკა I-ში” ჩავჯექი და გზას გავუდექი. მე თქვენ გეტყვით და მოსაწყენ ხალხთან ერთად მომიწია მგზავრობა – თბომავალზე ასვლისთანავე მელკერსონების ოჯახს “შევეფეთე”. თითქოს ეს არ მეყოფოდა სამხიარულოდ და ნაპირზე გადასვლისთანავე თავიდან ფეხებამდე გაწუწული ჩორვენი და ბოცმანი დავინახე (მერედა პირველად წაკითხვისას როგორ ვოცნებობდი მათთან მეგობრობაზე). მერე რა აღარ გადამხდა თავს – ჯერ იყო და მელკერთან ერთად მხიარული დურგლის სახლი “შევაკეთე”, მოგვიანებით იუჰანთან, ნიკლასთან, ფრედისა და ტედისთან ერთად ზღვაში დავიკარგე ( ამჯერად საიდუმლო კლუბშიც კი მიმიღეს – 12 წლის ხომ უკვე ვარ), ზაფხულის დღესასწაულიც აღვნიშნე, ისეთი დღე გავატარე, მთელს სიცოცხლეს რომ უდრის, კურდღელიც ვიყიდე პელესთან ერთად, შობაც ვიზეიმე (მერე რა, თუ შობა ზაფხულში არ არის – სალტკროკაზე ყველა სეზონი განსაკუთრებულია), ბაყაყიც “გადავაქციე” უფლისწულად, ორფეხა და ოთხფეხა მელიებზეც ვინადირე, სახლიც გადავარჩინე გაბღენძილი ლოტასგან…

ამ ყველაფერმა ზაფხულივით სწრაფად ჩაიარა. ცოტა გულდასაწყვეტიც კია,რომ ეს “მოგზაურობა” ასე მალე დასრულდა და ვეღარც უკბილო სტინას ვნახავ, ვეღარც ჩორვენს და მის ოჯახს, ვეღარც მელკერსონებს. მერე რა, თუ ჩორვენი დილაუთენია ძილს მიფრთხობდა, პელე იმ საშინელ მწერებს ამრავლებდა, მე რომ ვერ ვიტან, მელკერი ყოველ ნაბიჯზე რაღაცას აფუჭებდა და საწოლში მაწვიმდა… კუნძულ სალტკროკაზე ხომ ყველაზე თბილი, კეთილი  და ნათელი ზაფხული იცის…

P.S. ბავშვობის საყვარელი წიგნების გადაკითხვა პირველად ვცადე და მინდა გითხრათ, რომ განსხვავებულად სასიამოვნო “მოგზაურობები” გამოვიდა. გაგრძელება იქნება 🙂 შემდეგი გაჩერება – ლიონებერგა!

Advertisements

10 Comments (+add yours?)

  1. Jane
    Aug 15, 2013 @ 15:38:29

    აუ ❤ ძალიან მაგარი ზაფხულის მოგზაურობაა. და ემილის რომ ნახავ, მომიკითხე. და საწვნეს რომ დაიმხობს თავზე, ცოტა მოუთაქე :))

    Like

    Reply

  2. Trackback: ზაფხული ლიონებერგაში | კეჟერაძის ბლოგი
  3. tami
    Aug 23, 2013 @ 13:58:34

    ბავშვობის საყვარელი წიგნების გაადაკითხვა არის ღვთაებრივი სიამოვნება და ამას მარტო ერთეულები გამოცდიან.

    Like

    Reply

    • Kejeradze
      Aug 23, 2013 @ 21:29:44

      ბავშვობაში დაბრუნებაზე უკეთესი რა უნდა იყოს 🙂 განსაკუთრებული გრძნობაა…

      Like

      Reply

  4. mario kart online
    Sep 08, 2013 @ 15:39:34

    ასტირ ლინდგრენი sheudarebelia

    Like

    Reply

  5. Trackback: დეტექტივი კალე ბლუმკვისტი | კეჟერაძის ბლოგი
  6. A1n2I3oli
    Jun 07, 2016 @ 17:10:42

    აუუ ძაან მაგარია ასტრიდის მხოლოდ ოთხი მოთხრობა ვიცი და ოთხივე ძაან მაგარია 😀 ❤

    Like

    Reply

  7. Ani
    Jun 07, 2016 @ 17:11:48

    აუუ ძაან მაგარია ასტრიდის მხოლოდ ოთხი მოთხრობა ვიცი და ოთხივე ძაან მაგარია😀❤

    Liked by 1 person

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: