სისხლივით წითელი

10846433_10152570929734211_8738513582809699955_nგახსოვთ ლიზბეთ სალანდერი? თუმცა რას გეკითხებით. რა თქმა უნდა, გახსოვთ. ამ ფრიად ორიგინალურ (ჩემთვის ძალიან საყვარელ და მონატრებულ) “დეტექტივს” რა დაგავიწყებდათ. ჰოდა, ახლა ლუმიკი ანდერსონი მინდა გაგაცნოთ, რომელიც ძალიან ჰგავს ლიზბეთს (აკი თავადვე ამბობს მისი შვილი ვარო… აი, პუაროს “მამობას” კი მომკალით და ვერ ვიჯერებ).

ფინელი ლუმიკი (მისი სახელი რომ ვთარგმნოთ, ფიფქიას მივიღებთ) ლიზბეთივით ჩვეულებრივი გოგოა არაჩვეულებრივად მძიმე წარსულით (თუმცა სალა სიმუკამ სტიგ ლარსონზე მეტად დაინდო თავისი გმირი). თუმცა იმ 29 თებერვლისთვის, როდესაც თხრობა იწყება, მისი ცხოვრება ასე თუ ისე სტაბილურია… სანამ შემთხვევით სკოლის ფოტოლაბორატორიაში არ შეაბიჯებს და სისხლიან ევროებს არ აღმოაჩენს (ბედი არ გინდა)… თითქოს ეს არ ეყოფოდა და ცხოვრებაში პირველად (უფრო სწორად კი მეორედ) “გამოვა” საკუთარი მარტოობიდან, მისთვის საძულველი თვისებების “თაიგულით შემკული” ელისას, ტუუკასა და კასპერის დაცვას მოინდომებს და მერე იწყება რაც იწყება – გიჟური სირბილი სიცოცხლის გადასარჩენად, ტყვიების ზუზუნი ზურგს უკან, გამოძიება და დამაგვირგვინებელი აკორდი – სისხლიანი წვეულება “თეთრი დათვის” ბუნაგში… გაექცევა ლუმიკი ამ ყველაფერს? მაფიას ხომ გრძელი ხელები აქვს… იქნებ მიწვდნენ კიდეც ან ვერ შეღებონ მისი სისხლით თოვლი… პასუხი თავად უნდა იპოვოთ!

P.S. თუ დეტექტივები გიყვართ და ჩემსავით მსუბუქ საკითხავს ეძებთ, “ბაკურ სულაკაურის გამომცემლობას” მიმართეთ. მე კი ტრილოგიის დანარჩენ ორ ნაწილს დაველოდები (სხვა რა გზაა – ქინდლ-ვერსიასც კი არ მოიპოვება)… ჰო, და ლუმიკის მაღვიძარის რეალურ ცხოვრებაში გადმოტანა უნდა ვცადო. იქნებ დილის რვა საათზე საკუთარმა ყვირილმა მაინც გამაღვიძოს 😀

5 Comments (+add yours?)

  1. მოლი ბლუმი
    Feb 27, 2015 @ 21:12:30

    ნუ, დედა ნამდვილად ლისბეთია ))

    Like

    Reply

  2. Emily Smith
    Feb 28, 2015 @ 22:59:36

    ძალიან მაგარი წიგნია და სამწუხაროდ არ ძალიან ცუდად იყიდებაო გავიგე :/ იმედი მაქვს მეორე და მესამე ნაწილებსაც თარგმნიან ^_^

    Like

    Reply

    • Kejeradze
      Mar 01, 2015 @ 12:56:29

      თუ ცუდად იყიდება, მაშინ გაგრძელების შანსი ცოტაა :\ ნაკლებად ცნობილ მწერლებს ჩვენთან არ ეტანებიან. სახელებს და სკანდალურ იმიჯს ზედმეტად დიდ ყურადღებას ვაქცევთ (ეკრანიზაციებსაც)… მეც უფრო ლისბეთთან მსგავსების გამო მოვკიდე ხელი და გამიმართლა 🙂

      Like

      Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: