კეთილი იყოს თქვენი მობრძანება ამბერში! თავს ცოტა უცნაურად გრძნობთ? არ შეგეშინდეთ! კარლ კორიც დაახლოებით ასე გრძნობდა თავს, როდესაც საავადმყოფოში გაახილა თვალი და მიხვდა, რომ არაფერი ახსოვდა. თითქოს საქმე უბრალო ოჯახურ დაპირისპირებასთან უნდა გვქონოდა, მაგრამ როჯერ ზელაზნის სულ სხვა ჩანაფიქრი ჰქონია – ნუ იტყვით და თურმე დედამიწა მხოლოდ სამყაროს ერთ-ერთი ანარეკლი ყოფილა, კარლ კორი კი – ამბერის პრინცი კორვინი. სწორედ ის გვიამბობს სხვა პრინცებთან შუღლის, ავალონის თოფების, მარტორქის ნიშნის, ობერონის (ეს უკანასკნელი კორვინისა და სხვა პრინცებისა და პრინცესების მამა გახლავთ) ხელისა და ქაოსის კარის ამბავს…
კორვინის ხუთწიგნეულს მერლინის ხუთწიგნეული მოსდევს. მერლ კორად წოდებული მერლინი კორვინისა და “ქაოსელი”დარას შვილი გახლავთ და ასეთი წარმოშობის ადამიანს, რა თქმა უნდა, უამრავი ხიფათი ელის – ის ხომ ერთდროულად ლაბირინთისა და ლოგრუსის მემკვიდრეა… ის არის ანარეკლების რაინდიც, ქაოსის პრინციც… მას აქვს ამბერის სისხლი, განგების კარტები… მხოლოდ მისთვის ჩნდება ქაოსის ნიშანი…
ამბერის ქრონიკების ორივე “მხარეში” უამრავი საინტერესო ამბავი და პერსონაჟია. სამყაროც საოცარი ოსტატობითაა გამოძერწილი (ჩემი მოკრძალებული აზრით, რა თქმა უნდა). დღეს ჩემთვის ზელაზნის ამბერი ტოლკინის შუამიწეთის, როულინგის “ჰოგვორტსული” ინგლისის, მარტინის ვესტეროსისა და სხვა გამოგონილ სამყაროთა გვერდით დგას (თუმცა შედარება უადგილო მგონია)… ბატონი როჯერი ნამდვილად დიდებული ფანტასტია!
P.S. მიუხედავად იმისა, რომ წინ კიდევ ხუთი თვეა, თამამად შემიძლია ვთქვა, რომ წლევანდელი ლიტერატურული წელი შედგა. დიდი ხნის წინ დასახული გეგმა (რომელიც სულ “უკან იხევდა”) შესრულებულია – ჯორჯ მარტინისა და როჯერ ზელაზნის სერიები წაკითხულია 🙂 თქვენ კი, თუ ჯერ არ ყოფილხართ ამბერში, აუცილებლად ეწვიეთ ამ ჯადოსნურ მხარეს. ილიას სახელმწიფო უნივერსიტეტის გამოცემლობამ სულ ცოტა ხნის წინ კორვინის ხუთწიგნეულს მერლინის ხუთწიგნეულიც მიამატა.
Ercke Mydass
ივლ 24, 2015 @ 22:37:09
საინტერესოა და ვიყიდდი სხვა გეგმები, რომ არ მქონდეს კითხვასთან დაკავშირებით. ❤
LikeLike
Kejeradze
ივლ 25, 2015 @ 11:34:53
გეგმები არ გამახსენო :)) რამდენი ხანია მინდა ამბერის წაკითხვა და ძლივს გადავწყვიტე :))
LikeLike
Ercke Mydass
ივლ 25, 2015 @ 13:03:45
მე ასე ვარ ნატო დავითაშვილის წიგნებზე და გლუხოვსკიზეც :))) გამოჩნდებიან ხოლმე ისეთი წიგნები რის წაკითხვასაც პირველს დავიწყებდი და ჯერ მეტრო ისევ გადაუშლელი მიდევს და მცხვენია )) (მიუხედავად ილისა რომ ომი და მშვიდობა არ დამიმთავრებია კინგგი დავიწყე ” მობილური” ვერ დაველოდებოდი როდის დამთავრდებოდა :))) დიდია ძალიან და მალე მაინც ვერ დავამთავრებდი :დ
LikeLike
Kejeradze
ივლ 25, 2015 @ 14:01:43
სიდიდის გამო გადავდე ამბერიც. გაწყვეტა არ მიყვარს, არც ორის ერთად კითხვა.. :))
LikeLike
Ercke Mydass
ივლ 25, 2015 @ 14:43:51
შესაფერისი განწყობა უნდა ალბათ ყველა წიგნს არ ვიცი. ხანდახან კი ისე ვირჩევ, რომ არც ვფიქრობ ხოლმე. რაც ხელს მომყვება იმის კითხვას ვიწყებ, როცა არაფერს არ ვკითხულობ მაშინ, მაგრამ ახლა ორი დიდი ტომი წასაკითხი მაქვს ჯერ
LikeLike
Kejeradze
ივლ 25, 2015 @ 15:16:16
მე გეგმა კი მაქვს, მაგრამ ვერ ვასრულებ :)) ხან რა “წავა” წინ და ხან რა :))
LikeLike
Ercke Mydass
ივლ 25, 2015 @ 15:18:10
ზუსტად :))
LikeLiked by 1 person
RockerMeloman
ივლ 28, 2015 @ 21:58:47
მეც დავიწყე ახლა კითხვა და პირველი ოთხი ნაწილი რომ გამიქრა ხელში, ოთხი გამოცდა გამოჩნდა და ხვალიდან გავაგრძელებ ^_^
ჯერჯერობით ძალიან ჩამთრევია და ძალიან მომწონს. მეგობარმა ბრაზილიური სერიალი შეარქვა და კარგი გაგებით მართლაც ჰგავს, ბოლო წინადადებები ისეთია, გული დაგარტყამს შემდეგ წიგნამდე ადამიანს 😀
LikeLike
Kejeradze
ივლ 28, 2015 @ 22:10:41
აქამდე არ მიფიქრია ბრაზილიურ სერიალებზე 😀 არადა ჰგავს – ობერონის შვილებით განსაკუთრებით 😀
LikeLike
RockerMeloman
ივლ 28, 2015 @ 22:19:16
კი, მერე და მერე ობერონის შვილიშვილებითაც თურმე, ნუ ჯერ არ ვიცი მაგდენი :დ
LikeLiked by 1 person
mari
იან 27, 2016 @ 03:30:53
სად შეიძლება შეძენა?
LikeLike
mari
იან 27, 2016 @ 03:33:16
როჯერ ზელაზნის ,,ამბერის ქრონიკები” სად შეიძლება რომ შევიძინო?
LikeLike
Kejeradze
იან 27, 2016 @ 20:54:37
ილიას სახელმწიფო უნივერსიტეტის გამომცემლობამ გამოსცა და წესით ყველა მაღაზიაში უნდა იყოს. განსაკუთრებით ლიგამუსში.
LikeLike