კეთილი ამბები ო’ჰენრისგან

ლიტერატურის მოყვარულები ალბათ კარგად იცნობთ ამ კეთილი სახის კაცს ამერიკიდან – ო’ჰენრის… თუმცა ის ყოველთვის ასეთი არ ყოფილა. 1862 წელს ჩრდილოეთ კაროლინაში დაბადებულმა უილიამ სიდნი პორტერმა ათასგვარი გაჭირვება გამოიარა – დედის გარეშე გაიზარდა, უამრავ საქმეს მოჰკიდა ხელი, ცოლი დაკარგა, მიმალვის მცდელობების მიუხედავად ფინანსური დანაშაულისთვის ციხეში აღმოჩნდა და 47 წლის ასაკში გარდაიცვალა…

ერთი შეხედვით ასეთი ბიოგრაფიის კაცს მძიმე რომანები უნდა ეწერა და არა სიკეთით სავსე მოთხრობები. თუმცა მან ისეთი მემკვიდრეობა დაგვიტოვა, რომელსაც ფასი არ აქვს. აბა როგორ უნდა შევაფასოთ იმ მხატვრის სიცოცხლე, უკანასკნელ ფოთოლს რომ ხატავდა ყოველდღე ავადმყოფი გოგონას გადასარჩენად… ან იმ პატარა ბიჭის ენერგია, გამტაცებლებს თავბედი რომ აწყევლინა და ლამის იქეთ გადაახდევინა მოთხოვნილი გამოსასყიდი… აღარაფერს ვამბობ იმ ამბავზე, რომელსაც ყოველ ახალ წელს ვუბრუნდები და ერთგვარ ტრადიციადაც კი მექცა – დელასა და ჯეიმსის შეუფასებელ საჩუქრებსა და მათ ასეთსავე გრძნობაზე… ეს ხომ სამაგალითო ისტორიებია – სიკეთის, მხიარულების, სიყვარულის ამბები ო’ჰენრისგან…

P.S. საბედნიეროდ, ო’ჰენრის მოთხრობები აქტიურად ითარგმნება. იკითხეთ და ისიამოვნეთ. ამ ფილმსაც გირჩევთ – შესანიშნავი მოთხრობების ეკრანიზაციას შეუდარებელი მსახიობების შესრულებით.

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

%d bloggers like this: