ლავკრაფტი სიგიჟის მთებთან

მსოფლიოში ალბათ დღემდე უამრავი გამოუკვლეველი ადგილია… და ვინ იცის, სად რა იმალება. მეცნიერები ნელ-ნელა იპყრობენ აუთვისებელ ტერიტორიებს და ერთ “მშვენიერ” დღეს შეიძლება ლავკრაფტის სამყაროც გაცოცხლდეს… მკვლევარებმა სიგიჟის მთებთან ამოყონ თავი და ენით აღუწერელი საშინელება ნახონ – ისეთი, სისხლს რომ გაუყინავთ და იმ დღეს დააწყევლინებთ, ამ ადგილს რომ მიუახლოვდნენ… ან “ჯადოსნური” ქოფაკის ხმა მოანდომებთ სიკვდილს, დანვიჩის საშინელება შეაძრწუნებთ, ან კი სულაც ერიხ ზანის “არარსებული” მუსიკა მოესმებათ… ეს ყველაფერი შეიძლება მოხდეს – სადმე, ოდესმე… ლავკრაფტის სიგიჟის მთებთან…
More

Advertisements

ბუნდოვანი ცხოვრება

კეთილი იყოს თქვენი მობრძანება ფილიპ დიკის სამყაროში! მარსიანელთა შემოტევას ან ალტერნატიულ რეალობას ელით? აქ სულ სხვა – ბევრად უარესი რამ დაგხვდებათ. ეს ხომ უბრალოდ წიგნი არ არის. ეს არის რექვიემი, რომელიც ფილიპმა საკუთარ თავსა და დაღუპულ (პირდაპირი ან გადატანითი მნიშვნელობით) მეგობრებს მიუძღვნა… და ალბათ ჩვენც… მან ჩვენთვის დაწერა ნაწარმოები ადამიანებზე, რომლებმაც რეალობისგან გაქცევა (სხვადასხვა მიზეზით) ნარკოტიკების მიღების გზით გადაწყვიტეს და შედეგად მიიღეს დანგრეული ცხოვრება… ცხოვრება? არა, ალბათ უფრო სიკვდილი, რომელსაც ოფიციალური სახის მისაღებად მხოლოდ გარდაცვალების მოწმობაღა სჭირდება… სხვაგვარად ვერ დავახასიათებთ მათ არსებობას… სხვას ვერაფერს ვუწოდებთ ცხოვრებას, რომელიც ჰალუცინაციებზე, ფსიქოზებსა და ამნეზიებზეა დაფუძნებული… ცხოვრებას, რომელსაც არ აქვს მკვეთრი ფერები… ცხოვრებას, რომელიც მოჩანს “ბუნდოვნად, სკანერში”… More

პალმერ ელდრიჩის სამი სტიგმა

კეთილი იყოს თქვენი მობრძანება მომავლის სამყაროში! გგონიათ, რომ იდეალური ცხოვრება გექნებათ? თქვენ ცდებით! აქაურობა ძალიან ჰგავს ჯეისონ ტავერნერისა და ჯო ჩიპის ყოფას და ამასთანავე ძალიან განსხვავდება. ირგვლივ ძალიან ცხელა და ისეთი მოსაწყენია ყველაფერი, რომ მხოლოდ ასე გავრცელებული ნარკოტიკი თუ გიშველით… ან პალმერ ელდრიჩი… თუმცა ვინ იცის… შეიძლება პალმერ ელდრიჩი სულაც არ არის ის, ვინც ჩვენ გვგონია… შესაძლოა ის ჩვეულებრივი ადამიანი იყოს, ან – სულაც ღმერთი, ან – ეშმაკი… ეს არავინ იცის და არც ის იცის ვინმემ, რომელი რეალობაა ნამდვილი… რომელი დრო… რომელი გმირები… მხოლოდ ერთი რამაა ცალსახა – ეს ყველაფერი ფილიპ დიკის მორიგი შედევრია. მან ჩვეული ოსტატობით ჩააქსოვა თავის ქმნილებაში უამრავი ალუზია და შექმნა პალმერ ელდრიჩის სამი სტიგმა!

More

ჰოვარდ ლავკრაფტის ჩვენება

18157314_737368109777166_2908378051467315542_n

კეთილი იყოს თქვენი მობრძანება ჰოვარდ ლავკრაფტის სამყაროში! არა, ახლა ქთულჰუს ხმას ვერ გაიგონებთ. თავად მისტერ ჰოვარდი გესაუბრებათ… ის მოგიყვებათ ამბებს ენით აღუწერელ სამყაროზე… სამყაროზე, რომლის კარსაც ვერცხლის გასაღები აღებს და თუ ამ კარიბჭის მიღმა გასვლას გაბედავთ, მარადიულობის საზღვარს გასცდებით და ეგებ იდუმალი კადათიც აღმოაჩინოთ… მაგრამ ერთი რამ გახსოვდეთ – თუ გარისკავთ და ამ სამყაროში შეიხედავთ, შეიძლება უკან ვეღარ დაბრუნდეთ… შეიძლება თქვენი ცხოვრებაც ისევე ძირფესვიანად შეიცვალოს, როგორც ეს რენდოლდ კარტერს, ჩარლზ დექსტერ უორდს (მისი ისტორია კრებულში ჩემი ფავორიტია) და სხვებს დაემართათ… ასეთია მისტერ ლავკრაფტის ძააალიან საშიში სამყარო! More

სტუმრად ქვოს ფუნდუკში

კეთილი იყოს თქვენი მობრძანება ქვოს ფუნდუკში! გგონიათ, რომ მისი მეპატრონე ერთი მოსაწყენი კაცია და ვერც თითქმის ცარიელ დარბაზში ნახავთ საინტერესო ადამიანებს? თქვენ ცდებით! თუ პატრიკ როტფუსს ენდობით და მემატიანესა და ბათუმელ გამომცემლებთან ერთად ფუნდუკის კარს შეაღებთ, მაშინვე მიხვდებით, რომ წინ ძალიან მაგარი თავგადასავალი გელით – სამი დღე, რომელსაც ვერასდროს დაივიწყებთ! More

ძნელია ღმერთობა

კეთილი იყოს თქვენი მობრძანება როჯერ ზელაზნის პლანეტაზე! არა, ეს ადგილი ამბერივით საოცარი არ არის, თუმცა არც ბევრად ჩამოუვარდება. აქ ხომ ღმერთები ცხოვრობენ და თავად რწმუნდებიან, რომ ღმერთობა ნამდვილად ძნელია… აბა, თავად განსაჯეთ – განა შეიძლება ადვილი იყოს სხეულების მუდმივად ცვლა? თან აქაც ადამიანური კანონები მოქმედებს – ღმერთები (აღმოსავლური კულტურით დაინტერესებულთათვის “ძველი” ნაცნობები რომ არიან)  ერთმანეთს ებრძვიან და ხელჩართული ომი აქვთ გაჩაღებული. არც “დემონები” სხედან მშვიდად… ყველაფერი ზუსტად ისევეა, როგორც “ბებერ” დედამიწაზე… თუმცა ეს სულაც არ არის გასაკვირი – ღმერთები ხომ ადრე სულ სხვა ღმერთები იყვნენ, ან ცხოველები, ან ადამიანები… მერე რა, თუ გარემო შეიცვალა. ადამიანი ისევ ადამიანია – ბუდას სხეულშიც, კრიშნას “თანამდებობაზეც”, მაიმუნის “ტყავშიც”…

P.S. თუ დაინტერესდით, წიგნს მარტივად მოიძიებთ. ის ბათუმელების “ფანტასტიკური ბიბლიოთეკის” ნაწილია.

შესანიშნავი რვიანი

ბათუმელები რომ განსაკუთრებული გემოვნებით შერჩეულ გამოცემებს გვთავაზობენ, უკვე დადგენილი ჭეშმარიტებაა. მათი კრებულები რომ შესანიშნავად დაჯგუფებული მოთხრობებისგან შედგება, არც ესაა ახალი. ჰოდა, ახლაც სულ ცხელ-ცხელ და ტრადიციულად კარგ წიგნზე მინდა მოგიყვეთ, რომელიც რვა ძალიან კარგი მწერლის შემოქმედებას აერთიანებს. More

უბიკ(ებ)ის სამყაროში…

Untitledწარმოიდგინეთ, რომ ერთ მშვენიერ დღეს გაიღვიძეთ, მთქნარებით მიხვედით მადუღარასთან და ყავის მაგივრად სულ სხვა რამემ გამოგაფხიზლათ – მადუღარამ 5 ცენტი მოგთხოვათ! დიახ, თქვენ შეიძლება შოკში ჩაგაგდოთ ამ ფაქტმა, მაგრამ ფილიპ დიკის სამყაროში ასეთი რაღაცები ჩვეულებრივ ამბად ითვლება. მერე რა, თუ მაცივარი გასამრჯელოს გარეშე არ იღება და არც კარი გატარებთ უსასყიდლოდ. სამაგიეროდ შეგიძლიათ სიკვდილის მერეც იცხოვროთ (თუ შეიძლება თუნდაც ნახევარ-სიცოცხლე ვუწოდოთ “საყვარელ ძმათა მორატორიუმში” არსებობას). თუ ამაში ეჭვი გეპარებათ და მაინც განერვიულებული ხართ, არც ესაა პრობლემა. წაბრძანდით აფთიაქში და შეიძინეთ დამამშვიდებელი საშუალება უბიკი. შემდეგ ფასიანი ლიფტით ისევ სახლს დაუბრუნდით და მიირთვით გემრიელი უბიკი, დააყოლეთ უბიკი და წაიკითხეთ უბიკი… რაღაც ძალიან ბევრი უბიკი ხომ არ არის გარშემო? ძალიან ხომ არ გამრუდდა აწმყო? ან იქნებ ეს სულაც არ არის აწმყო და წარსულია, ან მომავალი? და იქნებ თქვენ რომ ახლა ამაზე ფიქრობთ, ვიღაც ამ თქვენს ფიქრებს ხედავს? ხომ არ აჯობებს, რომ ინერციალების ჯგუფი დაიქირავოთ და ტელეპატებისგან დაცვა სთხოვოთ? მაგრამ ხომ ნახეთ რა დაემართათ ჯო ჩიპს და მის თანამებრძოლებს? არ ვიცი, არ ვიცი რა უნდა ქნათ… შეიძლება ფილიპ დიკმა იცოდეს, ან მანაც ვერ გიპასუხოთ… ვინ იცის… More

გაყიდული მთვარე

ხშირად ვამბობ, რომ მცირე ზომის ნაწარმოებები არ მიყვარს, თუმცა ასევე ხშირად ვკითხულობ ფანტასტიკურ მოთხრობებს და ყოველ ჯერზე ვფიქრობ – არა, ეს კრებული გამონაკლისია. როგორც წესი, ამის მიზეზი რეი ბრედბერის საოცარი ოსტატობაა, მაგრამ არის შემთხვევები, როდესაც სხვებიც ახერხებენ ჩემს გაოცებას. მათ შორისაა რობერტ ჰაინლაინიც – კაცი, რომელმაც შექმნა პეტრონიუსი და კიდევ ბევრი უნიკალური გმირი. More

უკან მეტროში

12592329_517694501744529_6062816700387788577_nგახსოვთ სიბნელეში ჩაძირული მეტრო? მასში მცხოვრები ადამიანების ისტორიის დასასრულს წლებია ველოდებით და დიმიტრი გლუხოვსკიც დიდ ხანია გვპირდება, რომ ფინალური ამბავი ყველაფერს თავდაყირა დააყენებს… და აი დადგა ეს დღეც – “მეტრო 2035” გამოვიდა და მართლაც გადატრიალება მოახდინა. რატომ? იმიტომ, რომ არტიომი გაიზარდა. დიახ, 2035 წელს ის უვკე აღარ არის გმირი (მერე რა, თუ მისი გმირობის შემდეგ მხოლოდ ორი წელი გავიდა). ახლა მას ჩვეულებრივ გიჟად უფრო მიიჩნევენ, ვიდრე მხსნელად. ამას კი მხოლოდ ერთი (და ძალიან “ნამდვილი”) მიზეზი აქვს – მეტროში ადამიანები აღარ ცხოვრობენ. მათ უფრო ღორები ეთქმით (ან იქნებ ეს ამ პატიოსანი ცხოველების შეურაცხყოფაც კია). მათთვის მთავარი პირადი კომფორტია, რაც ჩაკეტილ (ფაშისტებად, წითლებად და სხვა “რასებად” დაყოფილ) სივრცეში ბევრად უფრო ადვილი მისაღწევია, ვიდრე “სუფთა ჰაერზე”. მათთვის თავისუფლება სწორედ მონობაშია და არა “სუნთქვაში”… More

Previous Older Entries