კეჟერაძე

ჩემი ბლოგის სახელიდან გამომდინარე ალბათ მოხეტიალე ფოტოგრაფის შთაბეჭდილებას ვტოვებ : D რეალურად კი არც ვასიკო მქვია, არც შალვა და არც გრიშა. მეტიც – მდედრობითი სქესის “არსება” ვარ სტუდენტური აწმყოთი, ბიზნეს-ტურისტულ-მარკეტინგული მომავლით და სამი მძიმე სენით – ვარ გამოდოჩანაშვილებული, მაქვს დოსტოევშინის მსუბუქი ფორმა და მწვავე გრანელიზმი : )) თავისუფალ დროს ვცხოვრობ “კეჟერაძული” ცხოვრებით: დავწოწიალებ სოფელ-სოფელ, ვაყენებ განწყობას სასურველ ამინდებზე და ვხდები ოდნავ უკეთესი ლიტერატურის დახმარებით : ))) მოკლედ, ვარ სამშობლოს, ადამიანებისა და ლიტერატურის მოყვარული რიგითი კლიმი : )

კეთილი იყოს თქვენი ფეხი (უფრო სწორად, ე.წ. თაგვი : D) ჩემს მოკრძალებულ “ტურისტულ სააგენტოში” : ). თუ სურვილი გექნებათ, შეგიძლიათ ისარგებლოთ “ჩემი მომსახურებით” და ჩემთან ერთად იმოგზაუროთ ლიტერატურულ ლაბირინთებში, გაეცნოთ ჩემს შეხედულებებს წიგნებზე და თუ მოკლე “რეკლამებით” დაინტერესდებით, თქვენც “გაუდგეთ გზას” : ) ჯერჯერობით სხვა სახის “ტურებს” ვერ შემოგთავაზებთ, რადგან სრულიად ვამართლებ ოსკარ უაილდის სიტყვებს – ზედმეტად მიყვარს კითხვა იმისთვის, რომ ვწერო: )