აკა რომ ძალიან საინტერესო მთხრობელია, ეს ძველი ამბავია. მისი ტიფლისური და ვაკური ისტორიები ერთგვარ ბრენდად იქცა. ამ ბოლო დროს კი ე.წ. non-fiction-ში, ანუ დოკუმენტურ პროზაშიც გააქტიურდა და საფესტივალოდ სულ ახალი წიგნიც შემოგვთავაზა ამ ჟანრში.
“ჩრდილი გზაზე” სტალინის დროიდან XX საუკუნის 90-იან წლებამდე პერიოდს მოიცავს. ოღონდ აქ ვერ შეხვდებით ისტორიულ ფაქტებს, წყაროებს და ციტატებს. წიგნი ჩრდილში ცხოვრების გზასა და “ჩრდილს იქით გასულ” ამბებს ეძღვნება. აქ რას არ ნახავთ – ჯონი ვაისმიულერის ეშხით ტარზანივით ხეზე შემხტარ ბიჭებს, ახლადგაშენებულ ვაკესა და ვერას, “რამკიან” ქურდებს, “კაი ბიჭებს” და “ჩამშვებებს”, “ცეხავიკებს” (მათ შორის შუა მოსკოვში ჯინსის მკერავს), “გაქანებულ” სტალინისტებს, ჩრდილოვანი ეკონომიკის “ლომებს”, ძველ ფილმებსა და მათ გმირებს, თბილისურ “ატნაშენიებს”, “შესანიშნავი შვიდეულის” ფანებს, უტელევიზორო ცხოვრებას… ლეგენდები და ნამდვილი ამბები საოცრად ცოცხლად წარმოგვიდგენს ეპოქას, რომელიც უკვე შორსაა (საბედნიეროდ) და ამავე დროს ძალიან ახლოსაც (სამწუხაროდ)…
P.S.თუ დაინტერესდით, წაიკითხეთ. ბევრ ახალს გაიგებთ, ან ძველს გაიხსენებთ (ასაკის შესაბამისად)… მოკლედ, დიდ სიამოვნებას მიიღებთ…
P.P.S. ესეც თავად აკა და დათო ტურაშვილი ამ წიგნის შესახებ:
მოლი ბლუმი
ივნ 23, 2014 @ 22:42:33
მე ძალიან მომეწონა. გემრიელად დაწერილია. თან რაღაცებიც გავიხსენე.
LikeLike
Kejeradze
ივნ 24, 2014 @ 13:43:28
ჩემი მოგონებები უფრო “ფალიაშვილის” დროიდან იწყება 🙂
LikeLike
iren
ივლ 21, 2014 @ 12:26:47
me veraferi ver gavixsene chemi mogonebebi vardebis revoluciidan iwyeba magram dzalian bevri axali ki gavige :3 dzalian sainteresoa momewona ^_^
LikeLike
Kejeradze
ივლ 21, 2014 @ 21:30:03
საბჭოთა დრო არც მე მახსოვს. ჩემი მეხსიერება 90-იანებიდან იწყება და ბევრი რამ სიახლე იყო ჩემთვის 🙂
LikeLike