პუბლიცისტიკას მაინცდამაინც არ ვეტანები, მაგრამ უმბერტო ეკოს სახელი ყდაზე უკვე ბევრს ნიშნავს (ეს ადამიანი ამ ჟანრში საუკეთესო თანამედროვე ავტორი მგონია – თუნდაც მხოლოდ ჟან-კლოდ კარიერთან ერთად შექმნილი ამ წიგნის გამო).
ამჯერად სინიორ უმბერტოს თანამოსაუბრე კარდინალი კარლო მარია მარტინია. მათი დიალოგი არაერთ საჭირბოროტო თემას ეხება, რომლებიც მორწმუნეებსა და ურწმუნოებს თანაბრად აღელვებთ. ესენია: აპოკალიფსი, სიცოხლის დასაწყისი (მაინც როდის იწყება ადამიანის სიცოცხლე – ჩასახვამდე, ჩასახვის შემდეგ, თუ მხოლოდ დაბადების წამიდან? შესაბამისად, რამდენად დასაშვებია აბორტი?), ქალების როლი ეკლესიაში და რელიგიური მოძღვრებების ტრანსფორმაცია დროის შესაბამისად.
ჩემთვის ყველაზე საინტერესო წერილების ის მონაკვეთები იყო, რომლებიც მორწმუნეთა და ურწმუნოთა ურთიერთობას ეხება (მით უფრო, რომ ბოლო დროს ამ საკითხმა საგანგაშო ფორმა მიიღო). სინიორ უმბერტოს აზრით, ურწმუნოს არ აქვს
უფლება, აკრიტიკოს მორწმუნის ცხოვრების წესი (იგივე შეიძლება ითქვას მორწუნეზეც), თუ ის არ ეწინააღმდეგება სახელმწიფოებრივ კანონებს და არ ეხება სხვის რწმენას. არავის აქვს უფლება, შეეწინააღმდეგოს სხვა რელიგიის წეს-ჩვეულებებს, მაგალითად, კათოლიციზმის შემთხვევაში – განქორწინებას, ისლამის შემთხვევაში – ალკოჰოლის აკრძალვას და ა.შ. ვისაც მეჩეთში შესვლა სურს, ფეხზე უნდა გაიხადოს, მიუხედავად იმისა, არის თუ არა ისლამის მიმდევარი… ან შეუძლია სულაც არ შევიდეს… იდეალს ყველა თვითონ ირჩევს და ეს არ ნიშნავს სხვის შევიწროებას – ჭეშმარიტების ძალა მოკრძალებაშია და არა ძალადობაში… ცივილიზებულ სამყაროში ასეც იქცევიან – “ის, რომ ურწმუნოს ღვთის არსებობა არ სწამს და მორწმუნეს, – ცხადია, სწამს, მათ შორის გაუგებრობის კი არა, ერთმანეთის მრწამსის პატივისცემის განმაპირობებელი უფროა”…
P.S. მგონი, ცნობილი მეცნიერისა (რომელიც, სხვათა შორის, 22 წლამდე კათოლიციზმის აქტიური მიმდევარი გახლდათ) და ასევე ცნობილი ღვთისმსახურის ეპისტოლარული დიალოგი ყველას დააინტერესებს, მიუხედავად რელიგიურობისა. თან თარგმანიც არ “შეგაწუხებთ”…
tami
ნოე 17, 2012 @ 00:19:50
პოსტს არ ვკითხულობ, სახლში მაქვს ეს წიგნი და რომ დავაგემოვნებ შემდეგ მოვბრუნდები.
LikeLike
Kejeradze
ნოე 18, 2012 @ 13:32:03
როგორც ყოველთვის, ვეცადე ზედმეტი არაფერი მეთქვა, მაგრამ მაინც ჯერ წაკითხვა ჯობია 🙂
LikeLike
tami
ნოე 18, 2012 @ 13:38:01
ხო ზოგჯერ პოსტში ამომიკითხავს წიგნის მოკლე შინაარსი და შთაბეჭდილებები. უბრალოდ შეიძლება შენი შთაბეჭდილების ზეგავლენის ქვეშ აღმოვჩნდე , მალე დავასრულებ და მოვალ კიდე.
LikeLike
მოლი ბლუმი
ნოე 17, 2012 @ 13:59:28
მე რა უნდა ვთქვა… უმაგრესი წიგნი და უმაგრესი სერია 🙂
LikeLike
Kejeradze
ნოე 18, 2012 @ 13:35:22
ეკო და “დიოგენეს ბიბლიოთეკა”… უკვე ბევრს ნიშნავს 🙂
LikeLike
finiki
ნოე 17, 2012 @ 16:22:28
ერთი კვირის წინ შევიძინე, ხვალ ჩავუჯდები ^^
LikeLike
Kejeradze
ნოე 18, 2012 @ 13:33:43
ე.ი. საინტერესო “უიქენდი” იქნება 🙂
LikeLike
kevana
ნოე 17, 2012 @ 21:33:09
უკოს ვეთანხმები მაგ მონაკვეთში
LikeLike
Kejeradze
ნოე 18, 2012 @ 13:32:50
ყველა რომ ეთანხმებოდეს, კარგი იქნებოდა 🙂
LikeLike
rusa111
ნოე 17, 2012 @ 21:55:06
ამ სერიიდან რატომღაც სწორედ ეს წიგნი გამოვტოვე, ყველაფერს ხომ არ წავიკითხავ–მეთქი. ისე, ბლოგის პათოსს ვეთანხმები.
LikeLike
Kejeradze
ნოე 18, 2012 @ 13:44:18
გემოვნების ამბავია… მით უფრო პუბლიცისტიკა… ჯერჯერობით სერიის “შემქმნელები” ჩემი გემოვნების შესაბამისად მოქმედებენ 🙂
LikeLike
tsotnee
ნოე 18, 2012 @ 20:19:04
რა ხანია სახლში მაქვს. მაგრამ მოუცლელობის გამო არ წამიკითხავს. ახლა მცალია და ვიწყებ! (შალვასავით გამომივიდა მაგრამ არა უშავს :დ).
პ.ს. ჯერ წავიკითხავ და მერე დავუწერ კომენტარსთქო მაგრამ გულმა და ხელებმა არ მომითმინა. 🙂
LikeLike
Kejeradze
ნოე 18, 2012 @ 23:44:17
შალვაზე უკეთ დაიწყებ, იმედია 😀 მერე გაგვიზიარე შთაბეჭდილებები 🙂
LikeLike
tsotnee
ნოე 21, 2012 @ 16:09:22
ისეთ ხასიათზე ვიყავი რომ წესით არაფერს უნდა დავეინტრესებინე, მაგრამ მაშინ დაწყებული და ისევ დადებული დღეს დავამთავრე, რაღაცაში ვეთანხმები რაღაცაში არა, ზოგი მისაღებია და ზოგი არა.
LikeLike
tsotnee
ნოე 21, 2012 @ 16:09:48
მაგრამ უდავოდ საინტერესო იყო! ^.^
LikeLike
Kejeradze
ნოე 21, 2012 @ 20:15:09
რა თქმა უნდა, ყველაფერი მისაღები ვერ იქნება 🙂 ცალსახად მარტო ურწმუნოების და მორწმუნეების ურთიერთობის საკითხში დავეთანხმე…
LikeLike