ალბათ გახსოვთ, რომ დახლოებით ერთი თვის წინ ლილე იროელზე ვისაუბრეთ . ასე საინტერესოდ დიდი ხანია არ “მიმოგზაურია”. ჰოდა ამ ერთ ამბავზე ხომ არ შევჩერდებოდი… მერე როგორ დამაინტრიგებლად დასრულდა… 🙂
…ბოლოს ლილე საიდუმლო კართან დავტოვეთ. თუ გაინტერესებთ რა აღმოჩნდა მის მიღმა, მაშინ “როცა ფრთოსანი ლომები დაბრუნდებიან” უნდა გადაშალოთ. ამ საიდუმლოს გარდა კიდევ ბევრი საინტერესო შეხვედრა გელოდებათ – ბიგოში შერისხულებს და მათ დედოფალ იორუბას გაიცნობთ, ომდურმანში – პატარა გალი-გალასა და სველთვალებიანი ნიღბის ოსტატებს, სალიტულაში მსაჯულთა წიგნს ნახავთ და გრძნეულებსაც შეებრძოლებით… და რაც მთავარია, ლილესთან ერთად გახდებით ისტორიული წამის მოწმენი – სიყვარულისა და სიძულვილის ბრძოლაში მონაწილეობის მისაღებად ფრთოსანი ლომი ბრუნდება…
ჩემი მოკრძალებული აზრით, ლილე იროელის მეორე თავგადასავალი პირველზე საინტერესოც კია (ან მე “შევედი ეშხშში”). აქ ბევრ საყვარელ გმირს ვეღარ შეხვდებით (განსაკუთრებით კაისასა და კოპალაზე დამწყდა გული), მაგრამ ახლებსაც მაიამატებთ “ფავორიტებს”… და აუცილებლად გაგიჩნდებათ შემდეგი ნაწილის გადაშლის სურვილი…
…რა თქმა უნდა, ლილე მშობლიურ როშკაშში დიდხანს ვერ გაჩერდებოდა. თუ გაჰყვებით, ოთხი მხარისა და ოთხი სვეტის ძებნაში დაუვიწყარი მოგზაურობა გელოდებათ. ჯერ ზაარში ამოყოფთ თავს და უსახურებსა და რკინისსახიანებს გაიცნობთ (მარტო სპილენძისფერთმიანი ლაა რად ღირს), შემდეგ ჰექათიონში – მოტირალ დებს, ჩრდილოეთში – დათვებსა და მათ მტრებს… სულ ბოლოს კი ამომავალი მზის ქვეყანას მიადგებით. საფრთხისა ნუ შეგეშინდებათ – ლილესა და რუფიასთან ერთად უჩინარი მჭედელი ბერები და მათი რჩეულებიც გიცავენ…
მგონი, მესამე თავგადასავალი ყველაზე საინტერესო იყო. ნელ-ნელა ლილე იროელი სულ უფრო და უფრო საინტერესო თავგადასავლების გმირი ხდება (მარტო ჰარი პოტერი ან ფროდო კი არ არიან “რჩეულები” 🙂 ). იმედია, მალე შემდეგი ნაწილიც გამოვა, მანამდე კი “ნისლებში და ნისლებს მიღმა” მაქვს “დასაგემოვნებელი” 🙂
P.S. პოსტის გამოქვეყნების დღე მწერლის დაბადების დღეს დაემთხვა 🙂 ვისარგებლოთ შემთხვევით, მივულოცოთ და შემოქმედებითი წინსვლა ვუსურვოთ 🙂
kevana
ივლ 03, 2013 @ 21:27:50
კაისა და კოპალა ჩემი საყვარელი წყვილია ❤
იახსარზე და ხელზე არ ვგიჟდები იმდენად, რამდენადაც ამათზე.. და თუთა ცხადია…. ❤ რა იქნება ცალკე თავგადასავალი კაისა კოპალისათვის ^_^ სასტიკად ცუდად ხომ არ ვიქცევი ახლა? :დდდ
LikeLike
Kejeradze
ივლ 03, 2013 @ 21:35:47
კარგი იდეაა 🙂 სიამოვნებით წავიკითხავდი კაისასა და კოპალას თავგადასავალს, მაგრამ მუზა ჩვენი შეკვეთით არ მოდის 😀
LikeLike
kevana
ივლ 03, 2013 @ 21:46:45
ეჰ, ზუსტად თქვი 😀
LikeLike
Nato Davitashvili
ივლ 03, 2013 @ 21:43:32
კეჟერაძის ბლოგმა შესანიშნავი საჩუქარი მომართვა დაბადების დღეზე 🙂
LikeLike
tami
ივლ 03, 2013 @ 22:55:21
გილოცავთ ქალბატონო ნატო, იმედიამეცმალე გავეცნობი თქვენს შემოქმედბას. სულ ვაპირებ და ჯერ ვერ მოვაბი თავი:)
LikeLike
Kejeradze
ივლ 03, 2013 @ 23:57:31
კიდევ ერთხელ შევუერთდები მილოცვას 🙂 რაც შეეხება თავის მობმას, წიგნები მაშინ მოდიან, როცა ამის დრო დგება 😉
LikeLike
მოლი ბლუმი
ივლ 04, 2013 @ 09:39:58
კიდევ ერთხელ და დიდი სიამოვნებით გილოცავ, ნატო ❤
LikeLike
MaryBell
ივლ 04, 2013 @ 10:50:44
მე წაკითხული მაქვს და მომეწონა
LikeLike
Peter Merabishvili
ივლ 11, 2014 @ 21:36:17
ეხლა ვკიტხულობ ლურჯი სუფრის მოცეკვავეს და ძალიან მომწონს. იმედია ახალი წიგნი მალე გამოვა!!!!
LikeLike
Kejeradze
ივლ 11, 2014 @ 22:14:23
წლის ბოლომდე ველოდებით 🙂
LikeLike